رتبتك ع المدفع بوروروم؟

العبارة الشهيرة التي طالما اضحكنا بيها القصبجي مع سمعه في البحرية...كل ما اتعرض الفيلم تفرغنا له ربما نجد اجابه للسؤال العجيب الذي انتهي الفيلم ولم نجد له اجابه... وحتي وقتنا هذا.... هل سمعتم اجابه الجندي مجند رجب لما رد كلمات غير مفهومة لاتشفي ولا تغني من اجابه واضحه لسؤال الشاويش عطية؟ وهل استوعبتم لماذا غضب الشاويش عطية وقال هوبغابوته..... عطيه كان يعلم يا سادة اننا سنظل كل هذه الاعوام لا نعرف رتبه رجب المواطن البسيط علي المدفع....

حضرني هذا المشهد في قاعدة تفكُر امام التلفزيون اشاهد ابداع الطلبة المحتجين داخل جامعة الازهر علي........ هو كان الاحتجاج علي ايه؟ حد عارف؟ اها.... عاوزين الشرعيةوعاوزين مرسي ومعاهم البرلمان...... قفذ عطية في ذهني يصب غضبه علي الطلبه اثناء اقتحام المبني الاداري للجامعة وقال لهم هو بغابوته.... الشاويش عطية كان يستطيع تمييز الغبي المكرر في خدمته العسكرية.... ولكن فشلنا نحن في التعرف علي الغبي المتكرر في وطننا العزيز الغالي.... سبحانه مع العلم ان الغباء اصبحرمتكرر والمشعد نفسة لا يحمل ابداع المخرج والمؤلف واحد علي مدار السنين والأحداث.... انزل... زعق.... قول يسقط يسقط.... مجبتش نتيجه..... علي طول متفكرش اعمل ميت... قول انا شهيد.... رتبتك ع المدفع..... بوروروم

من المطالبين بعوده مرسي..... ايوه مواطنين طبعا..... رتبتهم ايه يعني علي المدفع؟ اه جماعة.... طيب يعني يا مرسي يابلاش اه بوروروووم

العجيب في الموضوع ان االحكومة لم ترقي لمستوي الشاويش عطية لتعرف الغبي بغباوته ممكن يعمل ايه... غريب انها لا تاخذ اجراءات تحمي بيها خارطه الطريق المزعومة

رتبتك ع المدفع ايه؟ حتي الطالب نسي رتبته علي المدفع وهي تلقي العلم فاصبح طيعا في يد الجماعه كل ما يعنية انه يردد شعارات رنانه اولها القصاص.... الذي لانعرف كيف نحصل عليه وسط ما نراه من عصيدة اجتماعيه ليس لها طعم ولا شكل ولا لون....

حتي السادة المتفضلين علي الشعب باسم النشطاء والحقوقيين لم اعد اعرف رتبتهم ايه علي المدفع..... الكل يود فقط ان يكون قائد وحيد للمدفع بفكرة ومذهبه ورؤيته بالرغم من انهم ااجابوا نفس اجابه رجب عندما سالناه هذا السؤال... بورورووووم ..... لم يستطيع احد منهم ان يجيب للشعب عن الاسئله المحيرة في ذهنه ليريح بالهم... لم يستطيعوا وضع حل بديل واحد يمكّن الناس من الاصغاء اليهم ولم يتنازلوا ابدا بلهجتهم لاستقطاب الشارع بل كان من الاسهاب ما كان في تسفيه كل وجه مرهق وفقير وحزين او جاهل او من هو قادم من خلف صخور العشوائيات.... تخيلت للحظه ان رتبتهم علي المدفع كانت علي حد زعمهم في يناير هي وضع هذا المواطن الاتي من العشوائيات في صدارة المشهد... عندما اعترض البعض علي الوجوه في التحرير يوم جمعه الغضب واتهموهم انهم رعاع دافع عنهم الحقوقيين والنشطاء..... وانا بالمثل.... قلت دول ملح الارض دول ناس مستكترين تعترفوا ان دول من الشعب......

بس فضل السؤال رتبتهم علي المدفع ايه؟ مجرد مواطن.... اه هما دول الي عارفين الاجابه الواضحه مواطن عاوز ياكل ويشرب ويعيش ويتجوز احنا دخلناهم في حوارات بهدف انقاذهم من الظلم لكن اكتشفت ان ظلمناهم اكتر فحرمناهم من ظلم قديم لظلم تحت شعار عبيد الجيش وعبيد السيسي وعبيد السلطه وعبيد المرشد وووو اصبحنا قاضي وجلاد بالمثل وكان اشترينا المدفع باللي عليه...

قبل ما نشوف الرعاع نعترف كل واحد لازم يعرف رتبته ع المدفع.... الطالب طالب مينفعش يبقي بوروروم..... الناشط لو ناشط انزل الشارع يا جامد وريني هاترتقي ازاي بفكر العبيد دول... طرفين عارفين رتبتهم علشان كده متفاهمين ملح الارض... المواطن الغلبان والسيسي.... اه السيسي.... عارف رتبته ومتمكن منها عندك مانع...

المواطن والسيسي اتفاهموا عارفين اولهم من اخرهم.... دور انت علي نفسك عزيزي الثوري الناشط او الخامل عملت ايه علشان تسند ظهرك علي قاعدة الناس قلتلهم كلام رنان عن عداله انت مبتطبقاش بينك وبينهم وحريه تعبير اول حاجه حرمتهم منها انهم يدافعوا عن حد استخبوا وراه.... غريبه جدا.... المدفع شايل كتير وخايفه ينفجر في وشنا كلنا...الغلابة معدش الجوع الي قارفها ولا حتي القصاص الي كتير طالبنا بيه.... اصبح الغلابه همهم الاول تحديد الرتب علي المدفع.... احنا مالناش فيه..... عاوز تحدد رتبتك وسط الغلابه رد عليهم رد واضح.....هايفهموك.... بعد تلات سنين الناس مش فاهمه انتوا ليه مش عاوزين حكم العسكر..بعد 3سنين كل ماحد يقول دوله قانون الاقيك مش عاوز قانون غير الي يخدمك كل حاجه عاوزها تخدمك وفنفس الوقت مستنكرين انهم عاوزين يخدموا نفسهم ويحموا حياتهم علي قد فكرهم .... . بزمتك مش ده يستدعي منك تفكر انت فعلا رتبتك ع المدفع ايه غير بورورووووم....

في 30/10/2013